Mes vendeve të Bashkimit Evropian, me të cilët shkëmbimet tregtare zunë 67.4 për qind në muajin shkurt 2009, Italia dhe Greqia vazhdojnë të jenë partnerët kryesorë të vendit tonë, bëjnë të ditura burime zyrtare nga Instituti i Statistikave (INSTAT). Për muajin shkurt të këtij viti, me Italinë eksporti ishte 65.3 për qind dhe importi 25.6 për qind, ndërsa me Greqinë eksporti ishte 9.7 për qind dhe importi 16.3 për qind. Sipas të njëjtave burime, disa nga partnerët tregtarë me të cilët eksporti dhe importi është rritur gjate shkurtit 2009, janë: për eksportin, Greqia, Italia, Kina, Spanja, SHBA etj dhe për importin, Austria, Greqia, Gjermania, Italia, Zvicra etj. Sipas INSTAT, edhe gjatë muajit janar, mes vendeve të Bashkimit Evropian, partnerët kryesorë tregtarë të vendit tonë ishin Italia dhe Greqia. Me Italinë eksporti në janar ishte 73.5 për qind dhe importi 27.4 për qind, ndërsa me Greqinë, eksporti ishte 7.5 për qind dhe importi 17.7 për qind.
Forum 
Portali 
